مارغبت العيش وحداني

خوية درب عمــري ما خذاني دونهـــا النسيان
وأنا يأهل الملامـــة ما رغبـت العيش وحـداني

أبيها مهـرة مــاعسفت صغيـرة وبنت حصــان
أبوها اللـــي يفــك المشكلــــة ويزين الجـــــاني

وأخوهـــا لا تعــزوى باسمها فزو اله العـربان
يحق لها الفخــر فــي قولــة آل فــلان جدانـــي

أبييهــا فـي بحر عشـــرين لازود ولانقصـــان
أبيهـاأقصـرطويلـة والو صوف أشكال والوانـي

أبي الجبهة كما الصبح وكماالقوس اسودالحجان
وأبيهــا ناعســــات ونرجسية سود الأعيـــــاني

أبي رمش كما ريش يغطي الثلج في الأوجان
وأبي جفن يشيـــل الرمــش طربـــان وكسلاني

وأبي خـد مثـل ورد تـنـمي في طرف بستـان
وأبي خـشـم صغير ومثـل حد السيف شاماني

أبي البسمة كما البرق وثـناياها كما المرجان
وشفـــاهــا جمرتـيـن وفـمهـا خاتـم سليمــانــي

أبي شعرها كما ذيل الفرس لاطبت الميدان
أو الـشــلال لا مـن بـات لـيـلـه بـيـن الأمتـانـي

أبي جيد سـواة ابريـق فـضـة ناتـق ملـيـان
وصـدر كـنـه مرايـه علـيـهــا طـلـع رمـــانــي

أبي ظهر كما الجدول وقد مثل غصن البان
وخصر مثل مجـدول العـنـان وجسـم رويـانـي

أبيها نابـية ردف وبطـن ضـامـر جوعـان
أبيها مـدمـجـة سـاق وقـدمـهـا سـاق ثـعـبـانـي

أبيها بنـت عـز من رغـدها ينعم الفسـتـان
أبي الرقـة وأبي الدقـة لها باطـرافـهـا شـانـي

أبي المشية كما اللي طالع من المعركة كسبان
وأبيها تـرش مـع خطـواتهـا مسـك وريحاني

أبي صوت الى مني سمعتة كن فيه الحان
يدغدغ مسمعي ويثير كل السحر فـ.. اشجاني

أبيها حب واخلاص وهواجيس وفرح واحـزان
أبيهـا مثل مادكتور أهالــي العشــق وصـاني

أبيها لـوحة ماصــورتهــا ريشــة الفنــان
أبيهــا جـوهــرة مـاجابهـا قاصــي ولأدانــي

أبيها تنتصر لي من زمـان حطني نيشان
وتبشــر بالغــلا اللـي مــالقابــه واحـد ثانــي

مهرها قلب وشعر يهز القلب والوجـدان
والبسها القصيد وتصبح اوزاني وقيفاني

أبي اللي فات واللي فات صعب ومن لقي العنوان
يرد العلم والا افضل ابقى اعيش وحداني